RIMCHAKSOA CHINGNI WEBSITEONA

Sakantikon Garobadha Baptist Mondolini (GBC) Websiteona rimchaksoa aro mondolini dingtang dingtang kamrangko ui.e rana cholko man·gen. Mondoli mongsongbate nama kattako a·gilsakni pilak biaprangona gipatna kam ka·anian ong·a. Garobadha Baptist Mondoli Garo Baptist Convention-o Mondoli gesa ong·a. Uan Meghalaya a·dokni A·chik a·songni salgipeng District South West Garo Hills jolo donga.ABDK-ni Pa·dot Mr. Nonjeng Ch Marak 16th February 1988 bilsio jakgitelgipa Mondoli ong·na parakaha. Mondolini miksonganiara “Jisuan a·gilsakni seng·a“(Johan.8:12). Unonin Garobadha Baptist Mondoli Garo Baptist Convention-ni ningogipa mondoli gesa ong.pae kamrangko dangdike on·paenga. Mondolini miksonganiara nama kattako sokatna kam ka·anian ong·a. Mondoli gita manderangni bebera·aniko bilakatna aro Isolni kattao man·e chaatna dangdike onenga.Una agreba Mondoli gita namgipa dilgiparangko ong·katatna kamko ka·enga. Uni gimin ching baksa bakrime donganichi ministryo bak rapabo.